Bileta mine er basert på handteikna, hyperrealistiske  blyantteikningar som er kombinert med ulike material og teknikkar. 
Det særeigne uttrykket er utvikla med eit ynskje om å skapa ny og moderne kunst ut frå tradisjonell teiknekunst. 

I kunsten min finn du alltid eit tema som opptek meg. Det kan vera alt frå samtid og teknologi til tradisjon, kultur og natur. 
Forsøksvis vert både lett og blytung tematikk tatt på kornet med eit humoristisk skråblikk som kan vekkje humrande attkjenning hjå dei fleste. 

Eg er medlem av Norske billedkunstnere og Tegnerforbundet, og har utdanning frå Voss, Bergen, Queensland og London.
Eg vart utøvande biletkunstnar på heiltid i 2013 og har sidan hatt ei rekkje utstillingar.

I 2016 etablerte eg meg med eige galleri og ateliér i sentrum på heimstaden min, Voss.